வேப்ப மரம் என் முகப்பு: 1919,சூன் 26 இல் வெளியிடப்பட்ட இக் கதையைத் தேடிக்கண்டு திரு. பெ. தூரன் தமது பாரதி தமிழ் நூலில் முதலில் பதிப்பித்துள்ளார். (பக் 328-335) போதி மரத்தடி புத்தருக்குப் புது ஞானம் வழங்கியது; கவிதைச் சித்தனுக்கு ஒருவேப்பமரம் நற்கனவு நல்கியதால் இங்கு நமக்கொரு பொற்கதை கிடைத்துள்ளது. கதை என்ன? தமிழ் தழைக்கப் பொதிகை வந்த குறுமுனி அகத்தியரும், நெல்லைத் தரணி தழைக்கப் பாய்ந்தோடும் தாமிரபரணியும் நீராட்டச் சங்கமம் நிகழ்த்திய களிப்பான கற்பனைக் கனவுக்காட்சி. கண்டது யார்? கவிராஜனா? இல்லை. கரைக்குச் சற்றருகே தோப்பில் நின்ற முப்பது வயது இளமரம், உடலெல்லாம் தமிழ்ச் சொற்கள் உதித்ததொரு ‘ரிஷிபோதம்’ பெற்ற, வேப்ப மரம்.! ஆம். வேப்ப மரம் கனவில் சொன்ன காட்சி விரிகிறது கதையாய் நமக்கு. வேம்பு கசக்கும், ஆனால் தமிழுதிர்க்கும் இந்த வேப்ப மரக்கதை இனிக்கும். ...